نبدى بالقصه <- بدري ياهدر )
اول ما دخلت اولى ابتدائي كنت متحمس للدراسه وودي اروح للمدرسه لو اجلس من الساعه 6 الصبح لين الصبح الثاني يعني احس فيني محنة دراسه ومن الفراهه قمت اتعلم بكتب اخوي الكبير اللي بأول امتوسط وداخلن اول يوم اول ابتدائي البزارين يصيحون ويبتسون وابي ابوي وانا الاحق المدرسين كل واحد اقابله اقول استاد اتحداني اقول لك الحروف النقريزيه من واحد الى عشره <- ارقام والا حروف ياحيوان ؟
درست اول ابتدائي ورسبت من كثر ما انا متحمس الظاهر رسّبوني على شان ما ينضلني احد واروح غلطه <- لا والله الا من السباهه ومذاكرن بالاختبارات النهائيه كتب اخوك حقات اول متوسط والا تبي تختبر انقريزي
المهم اني درست الابتدائيه 12 سنه يعني كل سنه بسنتين على شان يرسخ التعليم بمخي ومثل ماتعرفون التكرار يعلّم الشطّار <- الا والله يعلم الحمار ياحمار
وبسادس ابتدائي صار ابوي يحلف علي ما اطلع من البيت الا انا لابسن شماغ وعقال لأني صرت كبير وصار يطلع لي دقن وشنب بس كل مادخلت المدرسه شال المدير عقالي بكل هداوه ومسطني مع ظهري لين يغدي ظهري تسنه قاع برتستن مليانتن غرب (الغرب هو الطحالب الخضراء) <- ختفووووو عليك وعلى شرحك ياوصخ
اخر شي اتفقو المدرسين والمدير وتواعدو ينجحوني من سادس ابتدائي لو ارسب ينجحوني بالغصب بس مدرس العلوم بن الكلب عيا ينجحني يقول ان الاصمعي غاث ام امي يقول درّسنا جسم الانسان نبي نعرف اجسامنا وش فيها وانا احس ان الولد ذا وصخ ولا ابي استاثم بعيال اولى متوسط واوديه معهم لكن مع حب الخشوم والتشحذ نجحني وطلعت لأول متوسط ودخلت أول متوسط وعمري 16 سنه وصارو اصدقاي عيال ثالث متوسط وصارو يحطوني مع فصل ثالث متوسط اللي متجمعين فيه الدشير ولا يطيعون ادرس مع عيال فصلي الاصلي وكنت دايم من اشوف مدرس الانقريزي اجي له واقول له فيري قود وانا احسب انها صباح الخير وهو يناظرني ويهز راسه ويقول الحمدلله والشكر وش جايبه ذا من شهار ؟ المهم بعد ماجلست ثلاث سنين ادرس مع ثالث متوسط وحالف ما افهم معهم ولا كلمه حطوني بوقت الفسحه الكبيره بالمقصف وكل فسحه يجي يدرسني مدرس لين عديت اول متوسط بعد معاناة وصلت لثالث متوسط وصارو اصدقاي اللي بثالث متوسط يدرسوني بس محد يقدر يضربني وكلهم يخافون يقولون لي شي لأن بعضهم ماسك عليهم حاجاتن ماهيب زينه وكلها شهر شهرين بالكثير ست شهور وهو ناقلن عني لو يروح يدرس بمشذوبه والا مشرفه بس اهم شي يبعد عن وجهي وانا اذب عليه لا قام يشرح المهم ان مدير ومدرسين المتوسطه حبو يسوون لي مثل ماسوو لي حقين الابتدائيه بس انا فهمت انهم يبون الفكه وتبيثرت عليهم وصرت اكتب اسمي على الورقه واجلس اشخبط على الاسئله همين يدخل علي المدير بالفصل ويتوطى ببطني قدام الطلاب وياخذ الورقه ويكتب اسمي هو واذا نجحوني اجي لهم واقول غش وترى وقسمن بالله ان نجحتوني لا ارفع عليكم شكوى عند مدير التعليم واخليه يطالبكم بالاوراق اللي فيها اجاباتي وشلون تنجحوني ؟ منعو عني فصل اول متوسط وخلوهم فوق وانا تحت مع ثاني متوسط وثالث اللي هم فصلي وبعد فتره رقو ثاني متوسط معهم واخر شي حجروهم كلهم بالدور الثاني وسوو لهم مقصف بمعمل العلوم وخلوني لحالي بالدور الاول وقامو يدرسوني وهم رابطيني على الكرسي والمدير معه سلك مجروح وشابكه بالكهرب وكل ماتسيبهت وفهّيت قرصني فيه مع شحمة اذني الين ماانهريت ورحت اشكي لأبوي قال ازين ليتهم يصلبونك على باب المدرسه ويكتبون عليك (للعظه والعبره) اعوذ بالله كنت احس اني ثقيل وسامج بس اتلذذ بهالشي حتى انهم لا جو عماني وخوالي ينصحوني اغدي معهم رجل واقول لا صدقت بكلامك والله انك صادز الحمدلله اللي ربي رزقني فيك وانقذتني من ضياعي ومايمديه يجي من باتسر الا هو سامعن ان المدير طالبن لي الشرطه والهيئه بالمتوسطه يلعنون ابو خيري اخر شي نقلوني ليلي وصرت ادرس مع ناس كبري وتأقلمت والحمدلله نجحت من اول سنه لأني لقيت الناس اللي يناسبون لعمري واللي كفو اني ادرس معهم مهوب جايبين لي بزارين ويبوني اغفل عنهم واتابع شرح مدرس تقل يحتسي بنقالي <- ياحيوان احد قايل لك اجلس 12 سنه على ابو ابتدائيه ..
وابشركم نجحت واخذت كفاءه وهالحين تسان عندكم شغل لو اصير مشرف بخمسمية ريال بالشهر ترى ماعندي مانع <- ماتهبى وتعقب تبي مدينة الملك عبدالعزيز تحجب المنتدى ياوصخ ؟
مايستفاد من القصه :
1 – اني رجعة لكم بعد غيبه والشوق طاوين تسبدي لكم طوي .
2 – أي رد فيه يسلمو والا والله انك ضحكتاني الله يقطع بليسك تكفون ابيه يحذف .
3 – والسلام عليكم ورحمة الله وبركاته .
<- الله يبثرك ويلعن ابو الفايده اللي من وراك
الأربعاء ديسمبر 17, 2008 11:50 pm